07/02/17

"IS4K: Internet Segura for Kids"

https://www.is4k.es/

Hoxe 7 de febreiro, coincidindo coa celebración do Día da Internet Segura #SID2017, o Ministerio de Enerxía, Turismo e Axenda Dixital, a través da Secretaría de Estado para a Sociedade da Información e a Axenda Dixital (SESIAD), pon en marcha Internet Segura for Kids (IS4K).

Este Centro de Seguridade en Internet para menores de idade en España  ten como obxectivo a promoción do uso seguro e responsable de Internet e as novas tecnoloxías entre os nenos e adolescentes. IS4K será, a partir de agora,  o novo Centro de Seguridade en Internet de referencia no territorio nacional, cuxos principais servizos se operarán a través de INCIBE (Instituto Nacional da Ciberseguridade).

As principais tarefas que ten encomendadas son:

    * Sensibilizar e formar a menores, novos, familias, educadores e profesionais do ámbito do menor, a través do desenvolvemento de campañas, iniciativas e programas de ámbito nacional.
   
    * Ofrecer un servizo de liña de axuda co que asesorar e asistir a menores, familias, educadores e profesionais do ámbito do menor sobre como facer fronte aos riscos de Internet: contidos prexudiciais, contactos daniños e condutas inapropiadas.

    * Organizar o Día da Internet Segura (Safer Internet Day) en España.

    * Reducir a dispoñibilidade de contido criminal en Internet, principalmente de abuso sexual infantil, dando soporte ás FFCCSE (Forzas e Corpos de Seguridade do Estado).

Acceso a IS4K

20/01/15

COMO INSERIR UN VÍDEO COMO ETIQUETA NA AULA VIRTUAL?

Imaxe: Universidad de Puerto Rico en Cayey.

Para podermos incluír un vídeo no noso curso da aula virtual debebes segir estes pasos:

  1. Copia o código html do vídeo en Youtube.
  2. Vai á aula virtual e preme Engadir un recurso.
  3. Selecciona Inserir unha etiqueta.
  4. Activa a edición en html: botón <>
  5. Pega o código html de Youtube.
  6. Preme Guardar cambios y regresar al curso.

E listo

09/05/14

COMO LIBERAR ESPAZO DO NOSO CORREO EDU.XUNTA?

Imaxe: Ramón París Lago tomada de https://www.edu.xunta.es.

Ás veces atopamos o noso correo corporativo (edu.xunta.es) cheo de mensaxes. Isto pode provocar, entre outros problemas, un colapso da nosa conta que impida a chegada de novos correos. Que podemos facer para solucionar esta dificultade? Pois dúas accións sinxelas:
  1. Baleirar a nosa conta,
  2. e configurala para reenviar todos os correos a outra conta con maior capacidade.
Para seguir estes pasos, ofrecémosvos dúas opcións: ler este manual ou ver estes vídeos TICtoriais de Youtube que creamos na comisión:

27/04/14

CREAR UN DVD CON MENÚ DE INICIO

Imaxe: http://www.dvdstyler.org/

Ás veces temos moitos vídeos e non sabemos como almacenalos. Crear un DVD resulta unha solución moi útil. A través do programa DVD Styler podemos incluír varíos vídeos, configurando un menú de inicio desde o que podemos reproducir todos eles. 
Se queredes descargalo, premede aquí.
Se queredes consultar o titorial en texto, premede aquí.
Se queredes consultar o titorial nun vídeo, mirade o seguinte vídeo:


06/02/14

A IMAXE DO PROXECTOR DOUSE A VOLTA. QUE FACER?


O outro día mentres estabamos manexando as diferentes opcións do MENÚ do proxector da clase, atopámonos con que, de súpeto, a imaxe da pantalla deuse a volta. Despois de moito pensar e probar, atopamos a solución. É esta:
  1. Prememos a tecla MENÚ do proxector.
  2. Situámonos no MENÚ AVANZADO.
  3. Imos a opción INSTALACIÓN.
  4. E seleccionamos o modo DELANTERO-TECHO.
E listo. Agardamos que vos sirva de axuda.

24/01/14

COMO PROGRAMAR O APAGADO DIARIO DA PC?

http://www.informatica-para-principiantes.com/2010/06/programar-apagado-pc-en-windows-xp.html

Ás veces ocorre que os ordenadores da sala de profesores quedan acendidos ata o día seginte. Isto provoca un gasto innecesario de enerxía. Como evitalo? Pois programando unha tarefa na nosa PC. Preme arriba no teu sistema operativo e segue o titorial para creala.

19/06/13

PERSONALIZAR O FONDO DUNHA DIAPOSTIVA


Se premedes na imaxe, poderedes acceder a explicación sinxela de como poderdes incluír unha imaxe personalizada en programas coma Libre Office ou OpenOffice Impress. Ten o seu aquel.

13/06/13

ANALIZANDO OS MITOS NA RELACIÓN NENOS-TIC


Se premedes na imaxe, poderedes acceder a un interesantísimo artigo no que se explican as conclusións dunha investigación novidosa. Tratábase de estudar a relación entre os nenos e nenas de 3 e 4 anos e as TIC. As conclusións son moi interesantes e desmontan algúns mitos e prexuízos que temos os adultos sobre este tema. Lédeo e levaredes algunha sorpresa.
Se queredes baixar a versión resumida en inglés da investigación, premede aquí.

02/05/13

EXTRAER O SON DUN VÍDEO DE YOUTUBE


Moitas veces atopámos en YouTube vídeos con sons ou cancións que necesitamos para algo concreto. Entón pregguntámonos como podemos conseguir ese son da canción e gardalo no noso PC. Pois aquí vos vai un vídeo titorial onde se explica como converter o son do vídeo nun arquivo MP3 co programa aTube Catcher, como o das cancións. 

11/04/13

CREAR E GARDAR A IMAXES CON TRANPARENCIA


O anterior artigo explicaba como, nun documento de texto ou nunha presentación, podiamos modificar unha imaxe para facer que os bordes fosen transparentes. Isto é moi útil para manexar imaxes dentro do propio programa (Writer, Impress, Word ou PPoint). Pero o problema vén cando necesitamos que esa imaxe sexa transparente fóra deses programas, é dicir, cando pretendemos gardar esa imaxe cos bordos transparentes. Pois ben, aquí tendes unha posible solución. Descargade este programa de balde premendo aquí (GIMP) e botádelle un ollo ao titorial premendo na imaxe de enriba.